طريقة عمل مشكشك الدجاج

مشكشك الدجاج مشكشك الدجاج

المقادير:


صدر دجاج
معلقتين كبيرة زبادى
فص ثوم مفروم
بهارات وملح وفلفل
معلقة كبيرة خل
بيض وبقسماط

:الطريقة
نقطع الدجاج مكعبات ونخلط مكونات التتبيلة (الزبادى والخل والبهارات والثوم )ويوضع فيها ويترك ساعتين
ثم تشك كل قطعة أو قطعتين فى عود سنان ثم توضع البيض ثم البقسماط ثم تقلى

كبدة دجاج بالجبنة

طريقة عمل كبدة دجاج بالجبنة

أختكم مش بتحب كبدة الفراخ بس كان فى ناس جايين وكنت عايزة ازود أصناف لاقيت فى الثلاجة كبدة فقلت اجرب واعملها وربنا يستر بصراحة طلعت حلوة وكل الموجودين حبوها اهم حاجة تغسليها كويس وتنقعيها زى ما هانقول فى الطريقة ان شاء الله واحتمااال برده بعد ماتعملى كده حماتك تقولى انها زفرة انتى ونصيبك بقى 😀

المقادير:
كيلو كبدة دجاج
كوب دقيق
معلقة صغيرة كارى
معلقة صغيرة بابريكا
معلقة كبيرة ملح
3ملاعق كبيرة مايونيز
3ملاعق كبيرة قشطة
3شرائح جبنة شيدر
3 ملاعق جبنة موتزريلاا
خليط النقع:كوب لبن معلقتين كبيرة خل معلقتين عصير ليمون معلقتين دقيق

الطريقة:
نغسل الكبدة كويس ونقلبهم بشوية دقيق ثم نغسلها ونحضر خليط النقع وتوضع الكبدة فيها وتترك ساعتين فيها
ثم فى طبق نخلط كوب الدقيق مع الكارى والبابريكا والملح…ثم نصفى الكبدة وتوضع فى الدقيق وتغطى من جميع النواحى
ثم فى طاسة سخنة نضع ربع كوب زيت يسخن ثم تحمر الكبدة من الجانبين وتنشل ثم توضع فى صينية وتدخل الفرن 10 دقايق ثم نخلط الجبن مع المايونيز والقشطة وتوضع على الكبدة وتقلب وتدخل تانى الفرن ربع ساعة وتحت الشواية دقيقة
وبألف هنا واللى يجربها يدعيلى

طريقة عمل كبدة دجاج بالجبنة

طريقة عمل الكفتة

طريقة عمل كفتة الحاتى

طريقة عمل كفتة الحاتى

المقادير:
نصف كيلو لحمة مفرومة
100 جم ليه ضانى
بصلة متوسطة
بهارات وملح وفلفل

الطريقة:
نفرم اللحمة مع الليه الضانى ثم نبشر البصلة ونضع عليها رشة ملح ثم نعصرها من الميه وييوضع تفل البصل على اللحمة وتخلط معاها ثم نضيف البهارات والملح والفلفل ثم نولع فحمة ونحطها فى فنجان فى النص ونصب على الفحمة شوية زيت ونغطى على اللحمة ربع ساعة ثم تدخل الثلاجة ساعتين
ثم على سيخ خشب او ايد معلقة خشب نصبع الكفتة وتبلى ايديك من ميه البصل وانتى بتصبعيها
يا اما تشويها او ترصيها فى صينية وتدخليها الفرن بس الفرن يكون سخن ناااااار من قبلها بشوية
تدخل الفرن بتاخد ربع ساعة بالكتير ماتطوليش عشان هاتنشف وهاتبقى مش حلوة

كبدة شاورما

طريقة عمل شاورما كبدة

شفت الشيف الشربينى بيعمل كبدة شاورما بس لاقيتها تقريبا هى كبدة الاسكندرانى بس بالفلفل الالوان فقررت اعملها بطريقتى وزودت الخل والطحينة والبقدونس وده اللى يحسسك انها فعلا شاورما وفعلا طعمها مختلف عن الكبدة العادية

المقادير: ربع كيلو كبدة فلفل الوان مقطع شرائح طولية بصلة مقطعة شرائح ثمرة طماطم مقطعة شرائح طولية 3ملاعق كبيرة بقدونس مفروم عصير ليمون معلقتين كبيرة خل ملح وفلفل وكمون فصين ثوم مفرومين معلقتين كبيرة طحينة

الطريقة: نتبل الكبدة بملح وفلفل وكمون وثوم مفروم ومعلقة خل وعصير الليمون وتترك ساعة فى الثلاجة ثم فى طاسة سخنة نضع معلقتين زيت كبيرة تسخن ثم نضيف الكبدة وتقلب دقايق ونطفى فى طاسة تانية معلقتين زيت ثم بصلة مقطعة شرائح طولية ونقلب دقيقة ثم نضيف الفلفل الالوان والطماطم ونقلب دقيقة ثم نضيف الكبدة عليها ثم نضيف معلقة خل التانية ونضيف  الطحينة ونطفى ونضيف البقدونس المفروم  ونقلب وتقدم فى عيش الشاورما

صينية بطاطس بكفتة البرغل

صينية بطاطس بكفتة البرغل

المقادير:
ربع كيلو لحمة مفرومة
نصف كوب برغل
بصلة متوسطة
ملح وفلفل اسود وبهارات
نصف كيلو بطاطس
4حبات طماطم متوسطة معصورة
معلقة كبيرة صلصة
فصين ثوم مفرومين
فليفلة خضراء

الطريقة:
ينقع البرغل بالماء هتلاقيه شرب الميه وتضاعف حجمه تصفيه كويس او تعصريه من باقى الميه اللى فيه
افرمى اللحمة مع البصل والبرغل ثم ضيفى الملح والبهارات
نقطع البطاطس مكعبات كبيرة او انصاف دوائر ثم تقلى قلية بسيطة وتنشل
ثم نقوم بتشكيلها كور ونقوم بتحميرها تحمير بسيط فى طاسة على نار عالية ثم تنشل
ثم فى حلة او صينية على النار معلقتين زيت ثم نضيف الثوم المفروم ونقلب دقيقة حتى يصفر ثم نضيف الطماطم المعصورة والصلصة والبهارات وملح وفلفل ونتركها تغلى 7 دقايق ثم نضيف البطاطس ونقلب ثم تغلى دقيقة وبعدين توضع فى طاجن او صينية ونرص عليها الكفتة ونحاول نغطيها بالصوص او نقلبها مع بعض ثم نرص شرائح فلفل على الوجه وتدخل فرن ساخن تقريبا 30 دقيقة حتى تنضج