طريقة عمل كوكيز المربي

عجينة الكوكيز هى المعتمدة عندى ومش بضيف ليها بيكنج بودر عشان ما يبقاش منفوخ اهم حاجة بعد ما اضيف الدقيق ما أعجنهاش بس نلمها لحد تبقى كورة وتلم على بعض وبعدين نريحها فى الثلاجة ساعة وممكن كمان تحفظيها فى الفريزر
المقادير:
كوب زبدة طرية بدرجة حرارة الغرفة
كوب سكر بودرة
3كوب دقيق
بيضة
رشة فانيليا وملح
الحشو:نوتيلا أو مربى

الطريقة :
نخفق الزبدة مع السكر حتى يصبح خليط كريمى نضيف البيضة والفانيليا والملح ونخفق ثم نضيف الدقيق حتى تمتزج المكونات
نلفها فى بلاستيك راب وندخلها الثلاجة لمدة ساعة تفرد العجين بالنشابة على الرخامة مرشوشة بالدقيق ونقطعها بالقطاعات بأى شكل وبعدين قطعت جزء من الكوكيز من النصف بقطاعة صغيرة
يرص الكوكيز على صينية مدهونة او مبطنة بورق زبدة ويدخل الفرن يكون سابق التسخين على 180 تقريبا ربع ساعة يترك يبرد تمام يحشى بالنوتيلا أو المربى وبألف هنا

طريقة عمل بسكويت الجيلي

IMG-20170222-WA0001

IMG-20170222-WA0002

بما أني عملت كيكة الفراولة بالجيلي كانت حلوة اوى ان شاء الله هانزلها قريب قلت اجرب اعمل كوكيز او بسكويت بالجيلي المهم اخترعت طريقة وعدلت فيها وعملتها مرتين عشان أتأكد منها فطلعت قريبة من الكحك وبتدوب فى البوء ومش فيها سكر غير باكو الجيلي عشان كده غطيتها بالسكر البودر يعنى جربوها وياريت تقولوا رأيكم سواء بالسلب أو بالايجاب وربنا مايحرمني منكم
المقادير:
نصف كوب زبدة طرية
ربع كوب زيت
كيس جيلي فراولة تقريبا بيبقي 70جرام
بيضة كبيرة
ربع كوب نشا
كوب و3\4كوب دقيق منخول
ربع معلقة صغيرة ملح
معلقة صغيرة بيكنج بودر
كيس فانيليا

الطريقة:
نخفق الزيدة مع كيس الجيلي حتي يصبح خليط كريمي ويفتح ثم نضيف البيضة والفانيليا ونخفق 3 دقايقثم ضيفي المكونات الجافة وبالمضرب على اقل سرعة يدوبك ثواني حتي يختلط الدقيق بالزبدة بس واطفي ولمي العجينة بإيديك ما تعجنيهاش وخذي مقدار معلقة صغيرة من العجينة وكوريها ورصيعا على صينية مدهونة واتركي مسافات بينهم ودخليها الفرن يكون شغال من 10 دقايق علي 180 ودخليها الفرن على الرف الوسط تقريبا ربع ساعة وبيبقي تمام أول ما تطلعيه هايبق طري شوية سيبه يبرد دقايق فى الصينية وبعدين انقليه علي شبك يبرد 10 دقايق وغلفيه بالسكر البودر وبالف هنا ومستنية رأيكم

طريقة عمل كيكة الرواني

 

14656406_1156569387742337_382012372701750947_nعبارة عن كيكة اسفنجية مضاف إليها دقيق السميد أو دقيق البسبوسة وتسقي بعد خروجها من الفرن بالشربات الساخن الخفيف وتدهن بالمربي وتزين بجوزالهند

عملتها من فترة بس بالبرتقال زودت بشر برتقال للبيض والشربات استبدلت عصير البرتقال بدل المية يعنى للي حابب يجربها

المقادير:
4 بيضات
كوب دقيق
نصف  كوب دقيق سميد( سمولينا او دقيق البسبوسة)
3\4 كوب سكر
معلقة صغيرة فانيليا
معلقة صغيرة بيكنج بودر

مقادير الشربات:كوب وربع ماء وكوب وربع سكر ومعلقة صغيرة عصير ليمون

الطريقة:
فى وعاء اخفقى البيض مع الفانيليا  لمدة دقيقتين ثم ضيفى السكر مع الخفق حتى يتضاعف حجمه مهمة الخطوة ديه ولونه يبيض ممكن تاخد 10 دقايق  خفق
ثم اخلطى الدقيق مع السميد مع البيكنج بودر وضيفى معلقة معلقة وقلبى بمعلقة خشب من تحت لفوق وبطريقة دائراية لغاية ماتختفى فى البيض وهكذا لحد ماتخلصى مقدار الدقيق بالراحة ثم يوضع فى صينية تقريبا 22سم مدهونة سمنة ومتبطنة بدقيق السميد ثم نصب فيها الخليط

img_20161029_163004

تدخل فرن 180 لمدة 25 دقيقة :30

img_20161029_163123
ثم نعمل الشربات:يوضع السكر مع الماء على النار ولما يغلى نضيف الليمون ويغلى غلوة واحدة ونطفى
بعد ماتستوى الروانى تسقى بالشربات الدافئ ثم تدهن باى نوع مربى وترش بجوز الهند

14600891_1156569527742323_880986491777742553_n

 

طريقة عمل كيكة البرتقال

DS3 DSC0

المقادير:
3كوب دقيق
كوب ونصف سكر
4 بيضات
كوب زبدة
3\4 كوب عصير برتقال
كيس جيلى برتقال مدوب فى ربع كوب ماء مغلى
معلقتين كبيرة بشر برتقال
كيس بيكنج بودر

الطريقة
نخفق الزبدة مع السكر حتى تبيض ثم نضيف البشر والبيض ونخفق
ثم نضيف المواد الجافة بالتبادل مع العصير والجيلى المدوب حتى يتجانس الخليط ويصب فى صينية 30سم مدهونة ومبطنة بالدقيق على فرن ساخن 170 درجة تقريبا بتاخد ساعة الا ربع لساعة
وعملتلها صوص:كوب عصير برتقال على معلقة كبيرة نشا ومعلقتين كبيرة سكر على النار لحد ماتقل شوية وصبيته عليها

طريقة عمل البراونى

Untitled-1

المقادير

 

• نصف كوب زبدة
• 4 بيضات
• كوب ونصف سكر
• كوب ونصف دقيق
• م ص فانيليا
• م ص نسكافيه
• 250جم شيكولاتة
• كوب عين الجمل او بندق او سودانى
• 4ملاعق كبيرة كاكاو

 

الطريقة
ندوب الشيكولاتة مع الزبدة حتى تدوب تماما تحت مائى ثم الكاكاو والنسكافيه ونتركها تبرد شوية ثم البيض مع السكر نخفقهم مع بعض ثم يضاف خليط الشيكولاتة اليه ويقلب من اسفل لاعلى ثم الدقيق و المكسرات ويوضع فى قالب مستطيل متبطن بورق الزبدة فرن ساخن 180 تقريبا نصف ساعة مش اكتر عشان ماتنشفش.