طريقة عمل شوربة البروكلى

المقادير:
ربع كيلو بروكلى
بصلة صغيرة
حبة بطاطس متوسطة
فص ثوم
نصف كوب كريمة
ملح فلفل اسود كمون

الطريقة:
نقطع البروكلى الزهرات والغصن ونقطع البصلة مكعبات صغيرة ونفرم الثوم ونقشر البطاطس وتقطع مكعبات
فى اناء على النار نضع معلقتين زيت ونشوح البصلة تشويحة خفيفة ثم نضيف البروكلى المقطع ونقلب دقايق ثم البطاطس ونقلب دقايق ثم نضيف 3كوب شوربة او ماء مغلى مع مكعب ماجى وفلفل اسود وكمون ثم نتركها يغلى وندى النار عليه لمدة تقريبا تلت ساعة
يضرب المزيج بعد مايبرد فى الخلاط ثم نرجعه تانى فى الاناء و يضاف نصف كوب كريمة وتغلى وتقدم

شوربة الذرة

المقادير:
كوب ونصف ذرة معلبة
بصلة مفرومة
2معلقة زبدة
2معلقة دقيق
كوبين شوربة فراخ
كوب لبن
ملح وفلفل اسود
معلقتين كزبرة مفرومة

الطريقة:

تشوح البصلة المفرومة مع الزبدة حتى تدبل ثم نضيف كوب ذرة ونقلب لمدة دقيقتين
 ونضع الدقيق ونقلب كويس حتى يختفى الدقيق ثم يضاف المرقة
ونضرب النصف كوب الذرة فى الخلاط مع نصف كوب ماء ويضاف على الخليط السابق
وتقلب وتغلى بهدوء لمدة 5 دقايق
ويضاف كوب اللبن والملح والفلفل ونتركها تغلى دقايق ويضاف معلقتين كزبرة مفرومة وتقدم

شوربة الشوفان باللحمة


شوربة الشوفان باللحم
قطع لحمة ويفضل بعظمها
بصلة مفرومة
4ملاعق شوفان كبيرة
معلقة صلصة
1حبة طماطم مبشورة
بهارات(لومى -عود قرفة -حبهان -هيل-مستكة-ورق لورا)
ملح وفلفل
فص ثوم

الطريقة:
نشوحالبصلة المفرومة مع الثوم ونقلب شوية حتى يصبح لونها دهبى
ثم نضيف اللحمة ونقلب حتى يتغير لون اللحمة والبهارات الصحيحة (ممكن تحطيهم فى شاشة يبقى احسن عشان لما تستوى تشليها)
ثم الطماطم المبشورة ونقلب شوية ومعلقة الصلصة
ثم نضيف ماء ونتركيها تغلى ثم نهدى النار وتترك اللحمة حتى تستوى
نذوب الشوفان فى ماء فى بولة ونقلبها عشان نضمن انها ماتتكلكعش لما نضيفها على الشوربة
ثم نضيفها للشوربة لما اللحمة تستوى ونتركها نصف ساعة مع التقليب كل فترة
والملح والفلفل لو تقلت الشوربة زودى ماء لكن لو خفيفة وعايزاها تقيلة شوية زودى شوفان يعنى على حسب ماتحبى
وممكن تعمليها من غير صلصة هاتبقى لونها أبيض
ممكن تعملى الشوربة بالفراخ
شوربة لذيذة جدا وخفيفة وصحية وسعراتها الحرارية قليلة

شوربة الجزر

ربع كيلو جزر
بصلة
معلقة زبدة
1حبة بطاطس
2كوب شوربة او (ماء ومكعب مرقة)
ملح
فلفل

الطريقة:
نبشر الجزر ممكن تقطعيه مكعبات بس انا بحب ابشره
واقطع البصلة واشوحها شوية لحد ماتدبل ثم اضيف الجزر والبطاطس المقشرة والمغسولة ومقطعة مكعبات صغيرة
ثم تضاف الشوربة أو الماء بالماجى وتترك تغلى لغاية مايستوى الجزر والبطاطس
ثم تترك لتبرد وتضرب فى الخلاط وارفعيها تانى على النار تغلى وضيفى الملح والفلفل
لو حسيتى انها تقيلة اوى ممكن تزودى شوية ميه
وممكن تزودى ليها كريمة

شوربة العدس

كوب عدس
بصلة
حبة طماطم
واحدة جزرة
واحدة بطاطس
فصين ثوم
ملح
فلفل
كمون
يغسل العدس كويس ويضاف إليه 2كوب ماء
ونقطع كل الخضروات (البصلة-الطماطم-البطاطس-الجزر-الثوم)
ونتركها على النا رتغلى ولما تتشرب المية ممكن يضاف كوب ماء إضافى حتى يستوى
ثم نضربها فى الخلاط وتصفى او لا
وتوضع على النار تغلى  ولو احتاجت مية زودى على حسب تخانة الشوربة
وممكن تحمرى معلقتين كبيرة شعرية وتحطيها معاها على النار تستوى وبس