طريقة عمل دونتس مقلية بشكل جديد بعجينة العشر دقايق

IMG_20160528_130509عجينة العشر دقايق من اسهل واحلي الاختراعات ممكن تستخدميها فى أى حاجة وتجربيها فى أى حشوة حلوة او حادقة بصراحة هايلةوطبعا اكيد كلكم جربتوها عملت منها دونت مقلية بشكل العقدة مكن طبعا تتفنى فى اى شكل يعجبك ورشيت عليها لبن محلي بصراحة كانت واوو انا اعتمدته من ضمن حلويات رمضان

انا عملت نصف كمية عجينة العشر دقايق للى حابب يعمل نصفها

المجموعة الاولى:

معلقة كبيرة سكر

معلقة كبيرة خميرة

معلقة صغيرة بيكنج بودر

كوب دقيق

كوب ماء دافئ

3ملاعق كبيرة لبن بودر

نصف معلقة صغيرة ملح

 

تخلط المقادير كلها مع بعض وتترك لمدة عشر دقايق هتلاقي شكلها اتغير هانضيف المجموعة التانية:

معلقتين زيت او زبدة سايحة

كوب ونصف  : كوبين دقيق

وتعجن جيدا حتى يصبح لدينا عجينة طرية متماسكة ولا تلتصق باليد كثيرا ادهنيها زيت وغطيها وريحيها 10 دقايق كمان

وبعدين  نقطع العجين لكور صغيرة ثم نفردها بشكل طولي اسطواني

ثم نقوم بربط العجين على شكل عقدة وندخل الطرف الاول بداخل العقدة  ثم يقلي فى الزيت الساخن وبعد ما يحمر نرش عليه اللبن المحلي

 

 

طريقة عمل خلية النحل

 

IMG_20160528_132051

خلية النحل طبق منتشر جداااا ويبقى محشى عادة جبنة كيرى او لافاش كيرى يعنى جبنة محايدة عشان بيسقوها بعد كده شربات او لبن محلى وممكن صوص توفي
وممكن تحشيها اى حاجة تعجبك مربي او شيكولاتة او التمر او قشطة او نوتيلا واوقات بعملها حادقة وبحشيها جبنة حادقة مع سبانخ او حشوة البيتزا وفى الاخر نرش عليها شوية جبنة بتبقى حلوة اوى وان شاء الله اعملها مرة واصورهالكو

بصراحة العجينة هشة وجميلة ياريت تجربوها وتعجبكم بإذن الله
المقادير:
3كوب دقيق
بيضة
3ملاعق لبن بودر
معلقة صغيرة خميرة
معلقتين كبيرة سكر
معلقة صغيرة بيكنج بودر
معلقة صغيرة ملح
ربع كوب زيت

لدهان الوجه:بيضة مع رشة نسكافيه أو معلقة صغيرة خل وسمسم
للتقديم:لبن محلى او شربات بارد وجوزهند

الطريقة :
نشغل الخميرة مع شوية مية دافية والسكر ونتركها 10 دقايق تخمر وبعدين نخلطها مع الدقيق وباقى مقادير العجينة مع اضافة الماء الدافئ اذا احتاج الامر وتعجن حتى تصبح لينة وتترك فى وعاء مدهون وتغطى تخمر ساعة

وتقطع العجينة كرات صغيرة وتفرد قليلا وتحشى بالجبنة وترص فى قالب او صينية مدورة مدهون زيت بجانب بعض

IMG_20160528_115623

وتترك تخمر نصف ساعة وتدهن بالبيض وترش بالسمسم وتدخل فرن سخن على 200 تقريب تلت ساعة وبعد ماتخرج يصب عليها اللبن المحلى ونرش جوز الهند

IMG_20160528_131520

IMG_20160528_131829

IMG_20160528_132247

طريقة عمل صفيحة اللحم او لحم بعجين وصفة مميزة

صفيحة اللحم
IMG_20160528_190646

المقادير:
3كوب دقيق
3ملاعق لبن بودر
معلقة صغيرة خميرة
معلقة كبيرة سكر
معلقة صغيرة بيكنج بودر
معلقة صغيرة ملح
3 ملاعق كبيرة زيت

مقاديرالحشوة:
نصف كيلو لحم مفروم
بصلة مفرومة
2حبة طماطم مكعبات
فلفلة خضراء مكعبات
معلقتين كبيرة دبس الرمان
معلقتين كبيرة زبادى
3ملاعق كبيرة طحينة
معلقة صغيرة ثوم مفروم
معلقة كبيرة خل
وبهارات وملح وفلفل
معلقتين كبيرة صنوبر ان وجد

الطريقة :
نشغل الخميرة مع شوية مية دافية والسكر ونتركها 10 دقايق تخمر وبعدين نخلطها مع الدقيق وباقى مقادير العجينة مع اضافة الماء الدافئ وتعجن حتى تصبح لينة وتترك فى وعاء مدهون وتغطى تخمر ساعة
نخلط مكونات الحشوة بفرك البصلة مع اللحم ونضيف باقى المكونات وتقليبها وتركها فى الثلاجة حتى تخمر العجينة
وبعدين نقطعها كور صغيرة ونفردها بتكون رقيقة شوية او نفردها ونقطعها بقطاعة مدورة او حافة كوب وترص فى صينية مدهونة ثم نضع معلقتين كبيرة من الحشوة

IMG_20160528_180358 وتدخل فرن يكون سخن على 200 تقريبا بتاخد تلت
ملاحطة:
ممكن تعصجى اللحم الاول مع البصل وتضيفى باقى الاضافات بعد ما تشيليها من على النار

IMG_20160528_191232

طريقة عمل السمبوسة فى الفرن

IMG_20160528_122146
السمبوسة او السمبوسك أو الساموسا الهندية من المقبلات الموجودة على مائدة رمضان او فى العزايم إذا كانت عجينة جاهزة مقلية او معمولة فى البيت او فى الفرن
جربيها بإذن الله هاتعجبك
المقادير:
3كوب دقيق
معلقة صغيرة خميرة فورية
معلقتين كبيرة زيت
معلقة كبيرة بيكنج بودر
معلقتين لبن بودر
معلقة صغيرة ملح
ماء دافئ للعجن

الحشوة(لحمة مفرومة معصجة وزودت عليها بسلة وجزر مفرزنين وسيبتهم شوية على النار)
لدهان الوجه :بيضة وسمسم

الطريقة :
ندوب الخميرة مع معلقتين ميه دافيه مش سخنة عشان الخميرة ماتموتش ولازم دافية عشان تشتغل المهم هاندوبها فى الميه مع السكر ونسيبها 10 دقايق هتلاقيه ارتفعت وملت الكوباية فى بولة كبيرة حطى الدقيق وعليه خليط الخميرة وباقى الاضافات واعجنى بإضافة الماء الدفي حتى تتكون عجينة لينة وحطيها فى بولة مدهونة زيت وادهنى وشها زيت وغطيها بفوطة وسيبها تستريح وتخمر
وبعدين قطعيها كور صغيرة افرديها دايرة او افرديها وبعدين قطعيها دواير بحافة كوب او قطاعة مدورة واحشيها بالحشوة وممكن تحشيها اى حشوة تعجبك واقفليها ونضغط على اطرافها زى القطايف ويضغط عليها بالشوكة او نستخدم قوالب السمبوسة ورصيها فى صينية مدهونة زيت وادهنى وشها بالبيض وترش سمسم

IMG_20160528_113530

وتدخل الفرن يكون سخن على 200 درجة تقريبا بتاخد ربع لتلت ساعة ووشها يحمر ولما تطلع فى الفرن نغطيها بفوطة 10 دقايق

IMG_20160528_124107

 

طريقة عمل القرص الطرية

IMG_20160318_133754

القرص الطرية الفلاحى كنت باكلها كتير عند خالتو بس عمرى ما جربت اعملها أو اسالها على الطريقة بس لاقيت ناس طلبتها مني فسألتها عليها وقالتلى مقاديرها أنا بس استعملت بدل الرايب لبن وضفت بيكنج بودر وحبة البركة والزيت والحمدلله طلعت حلوة اوى طرية وبتدوب فى بؤك
المقادير:
4كوب دقيق
كوب سمنة سايحة
ربع كوب زيت
3\4 كوب لبن
معلقة كبيرة خميرة فورية
معلقتين كبيرة سكر
معلقة كبيرة بيكنج بودر
نصف معلقة صغيرة ملح
معلقة كبيرة حبة البركة

الطريقة :ندوب الخميرة مع معلقة سكر ومعلقتين كبيرة ميه تكون دافية وتغطى وتترك 10 دقايق
هانخلط الدقيق مع البيكنج بودر والملح والسمنة والزيت ونقلبهم ثم نضيف خليط الخميرة ونزود اللبن مع العجن كويس لغاية ماتلاقيها بقت طرية وناعمة ونتركها ربع ساعة
ثم نقسمها لكور صغيرة لو مش هانحشيها او كبيرة شوية لو هانحشيها(طبعا ممكن تحشيها تمر او جبنة)
ونرصها فى صينية مدهونة ونضغط عليها نفردها شوية ممكن تدهنيها زيت أو لبن وترشى سمسم مع سكر اللى يعجبك وتترك تخمر تقريبا 30 دقيقة وبعدين تدخل فرن يكون سخن على 180 تقريبا بتاخد تلت ساعة غاية مالونها يبقى دهبى
وبالف هنا

IMG_20160318_134315