طريقة عمل السمبوسة فى الفرن

IMG_20160528_122146
السمبوسة او السمبوسك أو الساموسا الهندية من المقبلات الموجودة على مائدة رمضان او فى العزايم إذا كانت عجينة جاهزة مقلية او معمولة فى البيت او فى الفرن
جربيها بإذن الله هاتعجبك
المقادير:
3كوب دقيق
معلقة صغيرة خميرة فورية
معلقتين كبيرة زيت
معلقة كبيرة بيكنج بودر
معلقتين لبن بودر
معلقة صغيرة ملح
ماء دافئ للعجن

الحشوة(لحمة مفرومة معصجة وزودت عليها بسلة وجزر مفرزنين وسيبتهم شوية على النار)
لدهان الوجه :بيضة وسمسم

الطريقة :
ندوب الخميرة مع معلقتين ميه دافيه مش سخنة عشان الخميرة ماتموتش ولازم دافية عشان تشتغل المهم هاندوبها فى الميه مع السكر ونسيبها 10 دقايق هتلاقيه ارتفعت وملت الكوباية فى بولة كبيرة حطى الدقيق وعليه خليط الخميرة وباقى الاضافات واعجنى بإضافة الماء الدفي حتى تتكون عجينة لينة وحطيها فى بولة مدهونة زيت وادهنى وشها زيت وغطيها بفوطة وسيبها تستريح وتخمر
وبعدين قطعيها كور صغيرة افرديها دايرة او افرديها وبعدين قطعيها دواير بحافة كوب او قطاعة مدورة واحشيها بالحشوة وممكن تحشيها اى حشوة تعجبك واقفليها ونضغط على اطرافها زى القطايف ويضغط عليها بالشوكة او نستخدم قوالب السمبوسة ورصيها فى صينية مدهونة زيت وادهنى وشها بالبيض وترش سمسم

IMG_20160528_113530

وتدخل الفرن يكون سخن على 200 درجة تقريبا بتاخد ربع لتلت ساعة ووشها يحمر ولما تطلع فى الفرن نغطيها بفوطة 10 دقايق

IMG_20160528_124107

 

سمبوسة بحبة البركة

المقادير:
3كوب دقيق
3ملاعق لبن بودر
3ملاعق كبيرة زيت
معلقة صغيرة ملح
معلقة صغيرة بكينج بودر
معلقة صغيرة حبة البركة
ماء للعجن
الحشوة(عملت لحمة معصجة وجبنة بيضا)
الطريقة:
يخلط الدقيق وحبة البركة والملح واللبن والبكينج بودر وتعجن بالماء حتى نحصل على عجينة متماسكة تترك ترتاح نصف ساعة ثم تقطع كور صغيرة وتفرد على شكل دائرة
اقطعى كل دائرة اى نصفين وامسكى بطرف نصف الدائرة واثنيه على الحافة واثنى الطرف الثانى لتحصلى على مثلث مفرغ من الوسط (مع الدهان بشوية دقيق مع شوية لبن يبقى عجينة عشان نلصق بيه)
ثم ضعى معلقة صغيرة من الحشوة فى المثلث واضغطى على الحواف لتلتصق معا

وجزء من العجينة فردتها وبعدين قطعتها دوائر بفوهة كوب ثم حشيتها بمعلقة من الحشو وتقفل على شكل هلال ويضغط عليها بالشوكة
ثم تقلى فى زيت ساخن حتى تصبح ذهبية اللون

سمبوسة البف


سمبوسة البف من الأكلات المشهورة فى الحجاز

3كوب دقيق
بيضة
1\2 كوب زيت
معلقة صغيرة ملح
كوب ماء دافئ

الطريقة:
يخلط الدقيق مع الملح ثم يضاف الزيت ويفرك مع الدقيق
يضاف الماء وتعجن لغاية ما نحس انها مابتلزقش فى اليد تبقى جامدة شوية
تكور وتغطى وتترك ترتاح نصف ساعة
ثم تقطع العجينة إلى كور صغيرة وتفرد على سطح مرشوش بالدقيق
وممكن فردها بماكينة الفرد لو عندك
بعد فردها تحشى بالحشوة المرغوبة وبعدين نطبقها على بعض على شكل هلال ونقفلها كويس بالضغط علي الحروف عشان تلزق مع بعض
وتقلى فى زيت غزير سخن ونقلب السمبوسة على جميع الجهات حتى تتحمر
وأهم شئ هو التقليب المستمر اثناء القلي يجعل السمبوسة منتفخة ومقرمشة

الحشوات اللى تعجبك :
إما لحمة مفرومة معصجة وعليها شوية بقدونس مفروم
أو جبنة بيضا تخلط مع بيض مسلوق مقطع
أو جبنة بيضا مع زيتون مفروم
أو أى صدور فراخ مسلوقة ومشوحة
أو أى حشوة تحبى تعمليها