طريقة عمل فراخ مقرمشة

طريقة عمل فراخ كنتاكى DSC05925

المقادير:
كيلو دبابيس فراخ
كوب لبن رايب
معلقتين خل
معلقتين ثوم بودر
معلقتين بصل بورد
معلقة كبيرة فلفل أبيض
معلقة كبيرة كزبرة ناشفة
معلقة كبيرة جنزبيل بودر
ورق غار وفصين حبهان مطحونين
معلقة صغيرة كركم
معلقة كبيرة ملح
2كوب دقيق
معلقتين صغيرة بيكنج بودر

الطريقة :
نغسل الفراخ كويس بملح وليمون ودقيق وتصفى من مائها ونعمل فتحات بالسكينة ثم ندعكها بنصف التوابل الموجودة ونضيف عليهم اللبن والخل وتترك طوال اليوم فى الثلاجة ماينفعش 3 ساعات عشان الانسجة بتاعتها تتطرى
نحضر طبق نحط فيه كوب دقيق مع (معلقة صغيرة من التوابل ومعلقة صغيرة بيكنج بودر ومعلقة صغيرة ملح )
طبق الدقيق التانى (كوب دقيق مع رشة ملح وبهارات ومعلقة صغيرة بيكنج بودر)ونرش عليه شوية ميه ونفركه بصوابعنا هتلاقيه عمل قطع من العجينة رفيعة اوى )
وننزل بالفراخ فى طبق الدقيق تغطى نغطيها وبعدين ننزل بيها فى اللبن اللى اتبلته فيه وبعدين ننزل الفراخ في طبق الدقيق التانى اللى عملناه ونقلبها من غير ضغط عليها
فى مقلايه غويطة او حلة نسخن فيها زيت غزير وننزل بالفراخ بعد ثوانى نهدى النار ونغطيها تقريبا ربع ساعة

بروستد الدجاج

المقادير:

  • دجاجة مقطعة 8 قطع
  • كوب زبادى
  • عصير ليمونتين
  • 2معلقة خل كبيرة
  • 2معلقة زيت
  • معلقة كبيرة بابريكا
  • معلقة صغيرة كمون
  • معلقة صغيرة ثوم بودر
  • معلقة صغيرة بصل بردر
  • معلقة صغيرة ملح
  • معلقة صغيرة جنزبيل بودر
  • معلقة صغيرة فلفل اسود
  • معلقة صغيرة صويا صوص
  • كوب دقيق
  • 2بيضة+معلقتين لبن
  • كوب كورن فليكس مجروش

الطريقة:
نخلط الليمون والزبادى والخل والزيت والبهارات والملح والفلفل وتترك فى التتبيلة 3ساعات على الاقل
ثم نضع قطع الدجاج فى الدقيق المتبل بالملح والفلفل
ثم تغمس فى البيض المخفوق باللبن والملح والفلفل ثم يغطى بالكورن فليكس ويقلى فى زيت سخن غزير ثم نهدى النار ونتركها ربع ساعة حتى ينضج

دجاج كرسبى

فراخ مقطعة مسلوقة مع بصلة وملح وفلفل وورق لورا وحبهان ثم تصفى
وتوضع فى دقيق مخلوط بالبهارات وملح وفلفل وثوم وبصل بودر
ثم بيض مخفوق مع لبن وملح وفلفل
ثم فى دقيق ذرة او كورن فليكس وتقلى فى زيت غزير