عجينة البرجر
4كوب دقيق
4ملاعق لبن بودر
معلقة ثوم بودر
معلقة صغيرة ملح
معلقة كبيرة سكر
2معلقة كبيرة خميرة
4ملاعق زيت
ماء دافئ للعجن
بيضة مع شوية لبن مع ملح وفلفل لدهان الوجه
سمسم للوجه
الطريقة:تدوب الخميرة مع السكر وشوية مية ثم تضاف على الدقيق
والملح واللبن البودر والثوم والزيت ونعجنها بإضافة الماء الدافئ حتى
تتكون لدينا عجينة ملساء تترك لتخمر ساعة حتى يتضاعف حجمها
ثم تقطع كور متوسطة حوالى 8إلى 10 كور
ثم تفرد على شكل دائرة وتوضع فى الوسط قطعة البرجر وفوقها قطعة جبنة
شيدر وحلقات طمام وفلفل أخضر ونحاول نفقلها نلم اطراف الدائرة بتاعت العجينة مع بعض
وبعدين نرصها فى صينية مدهونة زيت او مرشوشة دقيق
وتترك لتخمر تلت ساعة ثم تدهن بالبيض واللبن وترش بالسمسم أو حبة البركة
وتدخل فرن ساخن عالى 200 درجة لمدة ربع ساعة ثم تشغلى الشواية حتى ياخد لون دهبى
وممكن بعد ماا العجين يخمر وتقطعيه كور رصيه فى صينية مدهونة
واتركيها ساعة يخمر تانى وبعدين ادهنيه بالبيض واللبن والسمسم ويدخل فرن لمدة 20 دقيقة
وبعدين افتحيه واحشيه البرجر زى ما انتى عايزة
البرجر:
نصف كيلو لحمة مفرومة
بصلة مبشورة
ملح وفلفل وبهارات
2معلقة بقدونس مفروم
نقلبهم مع بعض او نفرمهم مع بعض
ثم نجيب غطاء علبة كبيرة وحطى عليها بلاستيك واملى الغطاء باللحمة
حتى يتكون لدينا قرص برجر وبعدين شيليه بالكيس من الغطاء ورصيه فى طبق وحطيه فى الفريزر ساعة
وبعدين طلعيه اقليه او اشويه
ملاحظة:
ممكن تضيف لخليط اللحمة بيضة وربع كوب بقسماط
وممكن تضيف كاتسب ومسطردة بس
