المقادير:
2ثمرة طماطم
3ثمرة خيار
معلقتين بقدونس مفروم
5ملاعق كبيرة طحينة
ربع كوب ماء
فص ثوم مفروم
معلقة عصير ليمون
ملح وفلفل وكمون
الطريقة:
نقطع الخيار انصاف دوائر او مكعبات والطماطم مكعبات
نخلط الطحينة مع معلقتين كبيرة ميه ونقلب لحد ما الصوص يفتح ونضيف الليمون والملح والفلفل والكمون والثوم المهم الصوص يكون تقيل يعنى لو حسيتى انها خفيفة زودى طحينة
ثم اخلطى الطحينة اللى عملتيها بالطماطم والخيار والبقدونس وقلبيهم وتقدم
كبيبة دجاج او كبة او كفتة فراخ بالبرغل بصراحة اللى اخترع الكبة ديه كان جااااااامد
الاصل ان البرغل دايما بيبقى اكتر من اللحمة او الفراخ عشان تبقى مقرمشة وفى بيعملو اللحمة اكتر انا بحب استخدم الاتنين أد بعض يعنى لو نصف كيلو برغل يبقى نصف لحمة أو فراخ…. وممكن تعملى الكبة بالبرغل بس
الحشوة ممكن تغيرى فيها .. يعنى انا حشيتها لحمة مفرومة ممكن تحشيها فراخ مفرومة بنفس الطريقة وممكن بصل مكعبات مشوح وعليه شوية بقدونس وممكن تضيفلها صنوبر يعنى زى ما يعجبك….. معررفتش أصور طريقة التكبيب لكن على النت هتلاقى لو دورتى
ماشاء الله المقدار ده عمل اد اللى فى الصورة 3 مرات
المقادير:
ربع كيلو برغل
ربع كيلو صدور دجاج
بصلة متوسطة
معلقة صغيرة قرفة
معلقة صغيرة بهارات
معلقتين صغيرة ملح
نصف معلقة صغيرة فلفل أسود
الحشوة:بصلة متوسطة ربع كيلو لحمة مفرومة-صنوبر ملح وفلفل ومعلقتين بقدونس مفروم
الطريقة :
ننقع البرغل نصف ساعة فى ماء دافئ ثم يصفى
يفرم مع الصدور والبصلة والبهارات فى الكبة او المفرمة حتى يتكون لدينا عجينة (ممكن اضافة معلقتين ماء أذا تطلب الأمر)
طريقة الحشو:
يسخن الزيت ثم يضاف إليه البصل المفروم ويحمر لمدة 5 دقائق ويقلب باستمرار
يضاف اللحم ويطهى على نار متوسطة حتى ينضج ثم يتبل بالملح والفلفل والبهارات ويضاف البقدونس والصنوبر
نتخلص من أي دهون او سوائل ويترك الحشو جانباً حتى يبرد
لعمل الكبيبة:
تبلل اليد بماء بارد ويؤخذ من عجين الكبة حجم بيضة صغيرة
يضغط بإصبع الإبهام على اللحم لعمل فجوة ويصبح اللحم على شكل كوب صغير
توضع ملعقة صغيرة من الحشو ثم يضغط على الجزء المفتوح لتقفل بإحكام وتصبح مدببة من الجهة التي كانت مفتوحة
يسخن الزيت وتحمر الكبيبة حتى تحمر على نار متوسطة حتى ينضج ما بداخلها
الفلافل او الطعميه اكلة مصرية شعبية واحتمال تكون شامية برده الله واعلم
ممكن تعمليها بالفول المدشوش فقط او بالحمص فقط او بخليط بينهم كما سنرى
المقادير:
2كوب فول مدشوش(تقريبا نصف كيلو)
كوب حمص
ربطة من كل من (شبت-كزبرة-بقدونس-كرات)
بصلة متوسطة
بصلة خضراء
4فصوص ثوم
الطريقة:
ينقع الحمص والفول طوال الليل بالماء مع تغيير الماء لو امكن
ثم يفى من الماء ويفرم فى الكبة مرة ويخلط معاه باقى المقادير وتفرم مرتين حتى تنعم لو حسينا انها ناشفة اوى ممكن نزود معلقة كبيرة ماء
فى الوقت ده ممكن نقسمها فى اكياس ونفرزها
ووقت العمل نضيف عليها معلقة صغيرة كزبرة ناشفة وربع ملقة صغيرة كمون وربع معلقة صغيرة بيكنج بودر او كربوناتو ونصف معلقة صغيرة ملح وتخلطيها وتشكليها وتوضع فى السمسم من جانب واحد وتقلى فى زيت ساخن غزير
وتقدم
المقادير
• 1حبة بطاطس
• 1حبة باذنجانة
• 1طماطم
• 1فلفة خضراء
• 4 بيضات
• معلقتين دقيق
• معلقتين بقدونس
• ملح وفلفل
الطريقة
نقطع البطاطس وتقطع مكعبات وتقلى ويقطع الباذنجان مكعبات ويقلى ونقطع الطماطم والفلفل مكعبات صغيرة ثم نخلط البيض مع البقدونس والدقيق ويوضع على خليط الخضروات ويوضع فى صينية مدهونة زيت ويدخل الفرن ساخن حتى ينضج ويحمر
المقادير:
نصف كيلو قرنبيط
4ملاعق كبيرة مايونيز
جزرة متوسطة
ملح وفلفل وعصير ليمون
زيتون وبقدونس للتزيين
الطريقة:
نسلق القرنبيط فى ماء مغلى به ملح وكمون تقريبا ربع ساعة لحد مايستوى يصفى ثم نقطعه صغيرة او ممكن نهرسه ونضيف عليه الجزر المبشور والمايونيز والملح والفلفل والليمون
وتوضع فى طبق وتزين بالبقدونس والزيتون والخيار او زى ماتحبى
