طريقة عمل شربات الكنافة والزلابية وبلح الشام

شربات الكنافة أو بلح الشام أوالزلابية وصوابع زينب بيبقى تقيل عشان يشربها ويفضل مقرمش ماتطراش

وعادة الشربات بتاع الكنافة وبلح الشام بيبقى بارد وهما يبقو سخنين

المقادير:
2كوب سكر

كوب ماء

معلقتين كبيرة عسل جلوكوز

الطريقة :
على النار ندوب الميه مع السكر ويفضل التقليب بمعلقة خشب على نار هادية الاول وبعدين نعلى النارتغلى وبعد الغليان مانقلبش ولو فيه كريستالات سكر على جوانب الاناء  نشيلها بفرشاه ونسيبه 3دقائق على النار

ملاحظة:اوقات مش بيبقى عندى عسل جلوكوز فبضيف عسل نحل عشان بس ما يسكرش

او ممكن نضيف عصرة ليمون او رشة ملح ليمون فى الاخر

ممكن ننكه الشربات أو الشيرة بحبهان او قرفة خشب او نجمة الينسون وتغلى معاه او ممكن قشر البرتقال بيبقى حلو اوى يعنى لو حابة تغيرى

طريقة عمل مربى فراولة

طريقة عمل مربى الفراولة

المقادير:
كيلو فراولة
نصف كيلو سكر
معلقة كبيرة عصير ليمون

الطريقة:
نغسل الفراولة ويقطع الورق الاخضر ثم تقطع مكعبات صغيرة ثم توضع بالتبادل مع السكر فى حلة او بولة وتترك فى الثلاجة طول اليوم هتلاقيها نزلت ميه ثم توضع على النار عالية ونضيف عصير الليمون حتى تغلى ونشيل الريم كلما ظهر عشان ده اللى بيعمل عفونة للمربى ثم نهدى النار وتترك حتى تسمك مع التقليب
طبعا باعمل اختبار للمربى بحط معلقة على طبق لو فرشت يبقى لسه عايزة نقعد على النار تانى ولو تماسكت يبقى كده تمام واستوت ثم تهدى شوية ثم تعبأ فى برطمانات

ملاحظة: انا عملت 3كيلو فراولة
فى ناس بتضيف جيلى فراولة معاه يعنى ضمان انها تبقى سميكة مس سايلة بس انا بعملها من غيره
طريقة عمل مربى الفراولة بالصور طريقة عمل مربى الفراولة بالصورطريقة عمل مربى الفراولة بالصور

طريقة عمل مربى الفراولة بالصورطريقة عمل مربى الفراولة بالصورطريقة عمل مربى الفراولة بالصور

طريقة عمل الفلافل

طريقة عمل الفلافل بالصور

الفلافل او الطعميه اكلة مصرية شعبية واحتمال تكون شامية برده الله واعلم
ممكن تعمليها بالفول المدشوش فقط او بالحمص فقط او بخليط بينهم كما سنرى

المقادير:
2كوب فول مدشوش(تقريبا نصف كيلو)
كوب حمص
ربطة من كل من (شبت-كزبرة-بقدونس-كرات)
بصلة متوسطة
بصلة خضراء
4فصوص ثوم

الطريقة:

ينقع الحمص والفول طوال الليل بالماء مع تغيير الماء لو امكن
ثم يفى من الماء ويفرم فى الكبة مرة ويخلط معاه باقى المقادير وتفرم مرتين حتى تنعم لو حسينا انها ناشفة اوى ممكن نزود معلقة كبيرة ماء
فى الوقت ده ممكن نقسمها فى اكياس ونفرزها
ووقت العمل نضيف عليها معلقة صغيرة كزبرة ناشفة وربع ملقة صغيرة كمون وربع معلقة صغيرة بيكنج بودر او كربوناتو ونصف معلقة صغيرة ملح وتخلطيها وتشكليها وتوضع فى السمسم من جانب واحد وتقلى فى زيت ساخن غزير
وتقدم

طريقة عمل الفلافل بالصور طريقة عمل الفلافل بالصورطريقة عمل الفلافل بالصور طريقة عمل الفلافل بالصور طريقة عمل الفلافل بالصور طريقة عمل الفلافل بالصور

طريقة عمل مربى البرتقال

طريقة عمل مربى البرتقال

مربى ىالبرتقال عادة ناس بتعملها من القشور بس انا جربت اعملها بالبرتقال نفسه وكانت تحفة

ممكن لو حسيتى انها ما مسكتش معاكى تزودى ليها معلقة جيلاتين مدوبة فى معلقتين ماء

المقادير:
كيلو برتقال(تقريبا 4 برتقاله كبيرة)
2كوب سكر
معلقة صغيرة عصير ليمون

الطريقة:
نقشر البرتقال ونحاول نشيل الجزء الابيض تمام
ثم نحاول نطلع الفصوص بدون القشرة اللى بتغلفها بالسكينة ثم نضربها فى الكبة او فى الخلاط مع العصير اللى طلع منها ثم يخلط بالسكر والليمون ويوضع على النار يغلى ثم يترك على نار متوسطة تقريبا 40 دقيقة حتى يتقل
ثم تعبأ فى برطمان يكون معمق بس

اللبن المحلى المكثف

المقادير:
كوب سكر
كوب ونصف لبن بودر
كوب ماء
رشة فانيليا
معلقة كبيرة زبدة

الطريقة:
يخلط كل المقادير فى الخلاط ويوضع فى اناء على النار على نار هادئة حتى يغلى ثم نطفى عليه ويوضع فى علبة زجاج ويحفظ فى الثلاجة ويستعمل خلال 5ايام لاسبوع

ممكن تخلطى المقادير على البارد فى الخلاط  بدون وضعها على النار على ان تكون الماء مغلية مع معلقة زبدة

وفى ناس بيضيفو بدل الماء لبن عادى مع اللبن البودر والسكر

ممكن تستعمليه تحطيه على الكيكات او تعملى بيه كور جوز الهند او تحطيه على السينابون