طريقة صينية سمك السردين في الفرن

القادير:

  • نصف كيلو سمك سردين
  • 3حبة بطاطس متوسطة
  • فلفلة خضراء
  • 2حبة طماطم
  • 2ليمونة
  • 8فصوص ثوم كبيرة
  • ملح وفلفل وكمون
  • معلقتين كبيرة كزبرة خضراء مفرومة
  • معلقة خل
  • ممكن تحطى بصل وتقطعيه شرايح
  • ربع كوب زيت
  • نصف كوب ماء

الطريقة:
ننظف السمك وفتح بطنه (فى ناس مابتفتحش البطن )وممكن تقطعى الراس خالص اوقات بعمله كده ويغسل بالملح وشوية خل
نفرم الثوم مع الكزبرة وملح وفلفل وكمون وعصير ليمونة ونحشى السمك كله
ثم فى صينية قشرى البطاطس وقطعيها حلقات وضعيها فى قاع الصينية ورشى عليها رشة ملح وفلفل وكمون ثم حلقات طماطم وفلفل اخضر او حار زى ماتحبى ثم رصى السمك وحطى باقى خلطة الثوم على السمك ورشى شوية كزبرة خضراء مفرومة وشرايح ليمون ورشى الزيت على الوجه
واخلطى الماء مع شوية ملح وضيفيهم على السمك وغطيها بالفويل ودخليها الفرن تلت ساعة تستوى
واوقات بعملها على النار بحط الصينية على البوتجاز وبغطيها على نار منخفضة ربع ساعة والله على ريحته