كبدة شاورما

طريقة عمل شاورما كبدة

شفت الشيف الشربينى بيعمل كبدة شاورما بس لاقيتها تقريبا هى كبدة الاسكندرانى بس بالفلفل الالوان فقررت اعملها بطريقتى وزودت الخل والطحينة والبقدونس وده اللى يحسسك انها فعلا شاورما وفعلا طعمها مختلف عن الكبدة العادية

المقادير: ربع كيلو كبدة فلفل الوان مقطع شرائح طولية بصلة مقطعة شرائح ثمرة طماطم مقطعة شرائح طولية 3ملاعق كبيرة بقدونس مفروم عصير ليمون معلقتين كبيرة خل ملح وفلفل وكمون فصين ثوم مفرومين معلقتين كبيرة طحينة

الطريقة: نتبل الكبدة بملح وفلفل وكمون وثوم مفروم ومعلقة خل وعصير الليمون وتترك ساعة فى الثلاجة ثم فى طاسة سخنة نضع معلقتين زيت كبيرة تسخن ثم نضيف الكبدة وتقلب دقايق ونطفى فى طاسة تانية معلقتين زيت ثم بصلة مقطعة شرائح طولية ونقلب دقيقة ثم نضيف الفلفل الالوان والطماطم ونقلب دقيقة ثم نضيف الكبدة عليها ثم نضيف معلقة خل التانية ونضيف  الطحينة ونطفى ونضيف البقدونس المفروم  ونقلب وتقدم فى عيش الشاورما

شاورما لحم

 
المقادير:
  • نصف كيلو لحم مقطعة شرايح طولية
  • فصين ثوم
  • نصف كوب زيت
  • نصف كوب خل
  • معلقة بهارات لحمة
  • معلقة صغيرة قرفة
  • معلقة صغيرة حبهان مطحون
  • فص مستكة مطحون
  • معلقة كبيرة ملح
  • ربع كوب فلفل الوان شرايح أو مكعبات
  • ماونيز أو طحينة
  • طماطم شرايح
  • خيار مخلل شرايح
  • بقدونس مفروم
  • عيش شاورما
  • بطاطس محمرة أو مشوية
الطريقة:
فى طبق اخلطى الثوم الفلفل الملح البهارات القرفة الملح الحبهان الخل والزيت وقلبى وضيفى اللحم وغطى الطبق واتركيه فى الثلاجة طوال الليل او نعملها على طول

فى طاسة ضعى اللحم على نار عالية إلى ان يجف الماء تماما ثم ضيفى كوب ماء واتركيه يستوى على نار هادية ألى ان تجف الماء تماما وينضج اللحم

ثم ضيفى شرائح الفلفل وقلبى دقيقة واطفى

حضرى العيش وادهنيه بالمايونيز او الطحينة وضيفى بطاطس محمرة وخيار مخلل والطماطم وبقدونس مفروم ولفيه وقطعيه بالورب وقدميه بالهنا
الشكل النهائي وبالهنا والشفا

صينية شاورما بالخضروات

المقادير: 
  • ربع كيلو فيليه مقطع مكعبات
  •  1ثمرة فلفل احمر
  • 1ثمرة فلفل اخضر
  • 1ثمرة فلفل اصفر
  • 1ثمرة طماطم مقشرة ومقطعة مكعبات
  • معلقتين زيت
  • بهارات فراخ
  • ملح وفلفل اسود
  • 1\4 كوب خل
  • 2ثمرة خيار مخلل مقطع
  • ثمرة باذنجان مقطع مكعبات ومحمر
  • ثمرة كوسة مقطعة مكعبات ومحمرة
  • 2ثمرة بطاطس مقطعة مكعبات ومحمرة
  • 3ملاعق مايونيز
  • علبة قشطة

الطريقة:
تشوح مكعبات الفراخ فى معلقتنين الزيت وتقلب دقايق ثم تضاف الطماطم ويقلب دقيقة ثم يضاف البهارات والملح والفلفل الاسود والخل ويقلب ويضاف الفلفل الالوان المقطع شرائح طولية

ثم فى صينية قلبى الخليط مع الخضروات المحمرة والخيار المخلل

 

ويخلط 3ملاعق مايونيز مع علبة قشطة وتوضع على الوجه

وتدخل فرن سخن لمدة ربع ساعة وبعدين تحمر الوجه دقيقة


ثم عملت عيش الشاورما ودهنته بالمايونيز أو بصوص الطحينة مع الزبادى
ثم يوضع من الشاورما وتلف وبالف هنا طعمها تحفة

ملاحظة(طبعا أنا زودت على الشاورما الكوسة والباذنجان يعنى اختيارى )
وانتظرونا قريبا مع طريقة عيش الشاورما بالصور