طريقة عمل قطايف باللحمة المفرمة والبشاميل بالصور

 

المقادير:

نصف كيلو قطايف
ربع كيلو لحمة مفرومة
بصلة متوسطة  مكعبات
حبة طماطم مقطعة مكعبات
معلقتين بقدونس مفروم
معلقة صلصة
ملح وفلفل وبهارات
معلقتين جبنة موتزريلاا
2كوب بشاميل تقيل(2كوب لبن مع 3ملاعق كبيرة دقيق ومعلقة زبدة وملح وفلفل)
الطريقة :
توضع اللحمة فى طاسة على النار مع التقليب حتى يتغير لونها ثم نضيف البصلة مقطعة مكعبات ونقلب ونضيف الملح والبهارات ونضيف الطماطم ومعلقة الصلصة ونقلب دقايق حتى تنضج ثم نضيف البقدونس فى الاخر
نعمل البشاميل انا بعملها على البارد عشان ما اضيفش زبدة كتيرة بضيف اللبن مع الدقيق مع معلقة صغيرة زبدة او زيت وبقلب بالمضرب وبعدين برفعه على النار مع التقليب المستمر حتى يتقل وبضيف الملح والفلفل

فى صينية او قالب مدهون بالزيت نضع معلقتين بشاميل ثم نرص طبقة من القطايف

 
DSC03219

DSC03222

ثم نضع اللحمة المفرومة المعصجة ثم نضيف معلقتين بشاميل على وش اللحمة ثم نرص طبقة القطايف ونصب باقى البشاميل على الوجه وجبنة موتزريلاا وتدخل فرن تقريبا نصف ساعة حتى يحمر وجهها

 

 

قطايف بالقشطة

المقادير:
نصف كيلو قطايف
وديه طريقة القطايف اللى عملتها
http://www.lahlopa.com/2011/07/%D9%82%D8%B7%D8%A7%D9%8A%D9%81/
الحشوة:
3معلقة كبيرة نشا
3معلقة كبيرة سكر
معلقة صغيرة فانيليا
علبة قشطة
الشربات(كوب ونصف سكر+كوب ماء _معلقة صغيرة عصير ليمون يغلى دقايق على النار حتى يسمك قليلا)
مكسرات مجروشة للوجه

الطريقة:
تحضر الحشوة:
تذاب النشا في اللبن البارد ويخلط بالسكر ويرفع على النار حتى يبدأ في الغليان تضاف الفانيليا وتقلب بسرعة حتى تتماسك ونحصل على القوام المطلوب ثم ترفع من على النار ويخلط معها علبة القشطة
تغلق القطايف من طرفين متقابلين ثم تغلق من طرفين المقابلين بنفس الطريقة لنحصل على شكل الكوب وتقلى فى زيت ساخن ثم تسقط فى الشربات لدقايق وتصفى وتحشى بالحشوة ونرش علي الوجه مكسرات مجروشة