تورتة

المقادير:

  • كوب دقيق
  • كوب سكر
  • 5 بيضات
  • معلقة صغيرة فانيلا
  • معلقتين نشا

الطريقة:

نخفق البيض مع السكر والفانيليا لمدة 20 دقيقة حتى يتضاعف الخليط

ثم نضيف الدقيق المنخول مع النشا ويقلب بالراحة من تحت لفوق

ثم يصب الخليط فى صينية مدهونة ومبطنة بالدقيق

ويدخل فرن ساخن على 180 درجة لمدة تقريبا 40 دقيقة

وبعد ماتستوى نتركها فى الفرن ربع ساعة

والاحسن انك تعمليها قبل ماتزوقيها بيوم

تقطعيها نصفين وتحشيها بالكريمة وتزوقيها على ذوقك

كيكة الأناناس المقلوبة


المقادير:

  • 2كوب دقيق
  • 3\4 كوب زيت أو زبدة
  • كوب سكر
  • 3 بيضات
  • 2معلقة صغيرة بيكنج بودر
  • معلقة صغيرة فانيليا
  • 1\4 معلقة صغيرة ملح
  • كوب ماء كمبوت الاناناس أو لبن

مقادير قاع الصينية

  • 1\2 كوب سكر
  • ربع كوب ماء كمبوت الاناناس
  • معلقة زبدة
  • حلقات اناناس مصفاة
  • بضع حبات كرز

الطريقة:
يوضع السكر والماء ومعلقة الزبدة فى الصينية اللى هانعمل فيها الكيك على النار ونقلب حتى يدوب السكر حتى يصبح كراميل لونه بنى فاتح ويرفع من على النار على طول ثم ترص حلقات الاناناس عليه على طول وحبات الكرز فى فتحة الاناناس.

ثم نقوم بعمل خليط الكيكة:

يخفق البيض دقيقة ثم الفانيليا ثم يضاف السكر والزيت
ويضاف ماء الاناناس ثم الدقيق والبينكج بودر والملح بعد نخلهم
ثم يسكب فوق الاناناس
ويدخل فرن ساخن 180 لمدة 20 دقيقة وبعدين هدى النار غلى 160 واتركيها حتى تنضج ثم تترك 10 دقايق لتهدأ ثم تقلب على ظهرها ليصبح الأناناس والكرز بالأعلى وتقدم.

كيكة جوزالهند


كيكة جوز الهند
المقادير
2كوب دقيق
كوب سكر
كوب جوز الهند
3\4 كوب زيت
كوب لبن
3بيضات
معلقة كبيرة بيكنج بودر
معلقة صغيرة فانيليا
1\2 معلقة صغيرة بيكنج صودا
رشة ملح

الطريقة
نضرب البيض ثم نضيف السكر والفانيليا ونضرب بالمضرب لمدة 3دقايق
ثم نضيف الزيت مع الاستمرار فى الخفق ثم نضيف اللبن ثم جوزالهند
ونضيف الدقيق والبيكنج بودر والبيكنج صودا ورشة الملح المنخولين
تصب فى قالب مدهون وتدخل فرن ساخن على 160 درجة لمدة 25 دقيقة
ولما تبرد يوضع عليها التوفى وتزين بجوزالهند المبشور المحمص

طريقة التوفى
كوب سكر يوضع فى طاسة على النار مع ربع كوب ماء ومعلقتين زبدة
وقلبى حتى يتحول للون البنى الفاتح ثم ضيفى نصف كوب كريمة لبانى أو قشطة وقلبى بسرعة هتلاقى لونه افتح
ثم صبيه على الكيكة

كيكة الشيكولاتة

 

 

كوب سكر
كوب زيت
كوب لبن
4ملاعق كاكاو

تحطى المقادير ديه كلها فى الخلاط ثم خذى منها 3\4كوب وخليهم على جنب فى الثلاجة
وعلى باقى الخليط ضيفى 3 بيضات وفانيليا واضربيهم تانى فى الخلاط
وبعدين فى بولة كبيرة حطى الخلطة ديه وضيفى عليها كوب وربع دقيق ومعلقة كبيرة بيكنج بودر
ثم صبيها فى صينية مدهونة ومبطنة بالدقيق ودخليها الفرن لحد ماتستوى فى فرن 180 درجة
لما تخرج من الفرن صبى 3\4كوب الخلطة عليها واتركيها تبرد